將軍澳明德邨氣槍狂徒再現　射爆住戶玻璃

上月底，將軍澳明德邨發生氣槍狂徒將小童作活靶射擊事件，兇徒疑再次出沒。有街坊在Facebook上載一張被氣槍射爆玻璃相片，貼文者指自己居住在明德邨低層向田下灣方向， 早幾日，屋企比人射爆窗門，相片可見窗門有一個彈窿，玻璃亦有多條裂紋，貼文者形容「枝槍既威力係可以射穿玻璃， 好危險！」

▲ 網民在fb貼圖指氣槍狂徒「好危險」

將軍澳警區重案組主管羅世滔高級督察，今午得悉事件後即派員到場調查，被擊中單位為明德邨明道樓低層單位，下面是垃圾房及單車徑，事件無人受傷。警方表示十分重視案件，現將2宗案件合併統一調查，現已加派人手巡查。

貼文者希望各位明德居民出入小心啲，同埋留意下有冇人玩氣槍！否則遲早有第2位傷者。

▲ 警員在高位視察氣槍狂徒可能射擊位置

同一屋苑，上月31日，將軍澳明德邨發生2歲男童疑被氣槍狂徒當活靶射擊事件，男童在在明德商場與明覺樓中間的花槽位置觀看雀仔，突然大喊、向後仆低，其母親查看，發現兒子額頭大量出血：「穿了個窿！」送院急症室，右額需縫針，傷口有0.5厘米長，警方事後在現場附近搜證，檢獲BB彈膠珠，但暫未有人被捕。